مرصد مصر اولا مرصد مصر اولا
مقالات ذات صلة
في بوستات “أفرو-سينتريك” كتير في الفترة الأخيرة بدأت تظهر بشكل مكثف و الحقيقة إن الموضوع ده مش جديد أبدا بل بالعكس هو بقاله فترة شغال في الدول الأوروبية و أمريكا تحديدا..
البوستات دي عبارة عن تسخير الفن المعاصر من قبَل الفنانين الأوروبيين و غيرهم عموما اللي تجذر فيهم للاسف الشديد فكرة الحضارة المصرية
السو/داء و بدأوا يعبروا عن الموضوع ده بصور مرسومة للملوك و الملكات المصريين كنوع من أنواع إعادة تخيل شكلهم في الماضي و طبعا زي ما احنا شايفين في الصور بيحاولوا يرسخوا و ينشروا فكرة إن المصريين الأصليين هما أصحاب البشرة الس-وداء من شعوب وسط افريقيا في تزوير و سرقة علنية و تزييف وعي ناس كتير جدا بالطريقة دي وكمان عدم تداول الصور الحقيقيه للملوك واستبدالها بصور جديده بتخدع لترسيخ فكرهم..
و الموضوع منتشر جدا خصوصا علي منصات زي Pinterest و Reddit و Quora
و للأسف الشديد و إحنا بنقولها بحزن في مصريين إنساقوا تماما وراء هذا الفكر البائس ده بل و للأسف أصبحوا يروجوا له و يدافعوا عنه كمان و أي محاولة لتوضيح المفاهيم المغلوطة بيقابل ده بإتهامات مثل محاولة تفريق مصر عن عمقها الإفريقي و خلافه من الكلام الغريب من اشخاص اتاثرت بالصوابيه السياسيه بشكل مبالغ فيه .. و الغريب كمان و الملاحظ بشدة إنضمام فئات محدودة من الأشقاء العرب إما في محاولة نسب التاريخ بشكل خاطئ أو تحويره أو حتى دعم الفكر ده او الاقتناع بيه ..و ده وجب التنويه له.
و طبعا في ظل صمت عجيب غريب و عدم إهتمام تام من قبل وزارة الثقافة المصرية اللي من المفروض تكون المعنية بالملفات دي في سبيل الحفاظ علي الهوية و التراث و عدم تزوير التاريخ بإعتبار إن الموضوع أصبح شبه حرب ثقافية – إعلامية – درامية بطابع سياسي في الفترة الأخيرة
أخدنا علي عاتقنا التوعية بالمسألة دي و ضرورة شرح للناس ايه أهمية ده و أخطاره..و إننا مش هنسمح أبدا بإستخدام الفن أو غيره من الوسائل لتشويه التاريخ المصري تحت أي ظرف..
و بنناشد الجهات المختصة بالمواضيع دي تتحرك سواء كان عن طريق التوعية من خلال الصحافة و الإعلام أو الوزارات المختصة من أول وزارة الأثار و السياحة لحد وزارة الثقافة..
و بنناشد الجهات المختصة بالمواضيع دي تتحرك سواء كان عن طريق التوعية من خلال الصحافة و الإعلام أو الوزارات المختصة من أول وزارة الأثار و السياحة لحد وزارة الثقافة..في البوستات الجاية هنوضح أكتر قد إيه حركة المركزية الإفريقية مأثرة في الإعلام و الدراما و حتى علماء المصريات الغربيين في الخارج..و مدى التزوير اللي بيتم في الصور و تصدير أثار بشكل مغلوط في سبيل ده.
1-تمثال رأس الملكه حتشبسوت
2- اول صوره صدرت لبناء وجه الملكه حتشبسوت
3-الصوره الي بيتم الترويج ليها حاليآ
1-تمثال للملك اخناتون
2- اول صوره صدرت لبناء وجه الملك اخناتون
3-الصوره الي بيتم الترويج ليها حاليآ مع اختلاف كلي للملامح
1-تمثال رأس الملكه نفرتيتي
2- اول صوره صدرت لبناء وجه الملكه نفرتيتي
3-الصوره الي بيتم الترويج ليها حاليآ
1-اول صوره صدرت لبناء وجه الملك توت عنخ امون
2-الصوره الي بيتم الترويج ليها حاليآ
2-الصوره الي بيتم الترويج ليها حاليآ
