مرصد مصر اولا مرصد مصر اولا
مقالات ذات صلة
كتبت مصممه الأزياء الشهيره فيرا زولوتاريفا
بعد هجرتي اكتشفت بعض فروقات بين الشعب الروسي والمصري، طبعا المصريات بيهتموا بمظهرهن، لكن اهتمام الروسيات بالقوام واللبس اكتر من المصريات، ولاحظت اهتمام المصريين بالاكل وانتشار المطاعم اكتر من الروسيين..
بالنسبة لاهتمام الروسيات باللبس، السبب في رأيي هو إن روسيا بسبب الحرب العالمية التانية مات فيها 26 مليون روسي معظمهم رجال.. حسب إحصائية لسنة 2020 أصبح لكل 100 سيدة روسية 86 رجل، إنما في مصر لكل 100 سيدة مصرية 105 رجل.. في روسيا منافسة قوية بين النساء للزواج بالرجال.. علشان كده الست الروسية بتهتم جدا بقوامها، وبمظهرها في لبسها وأظافرها وشعرها وشنطتها وحذائها.. عندنا نسبة الإكتئاب بين السيدات متوسطات الجمال كبيرة بسبب وجود سيدات جميلات أنيقات كتير في الشارع، وممكن نلاقي سيدات بيتعالجوا نفسيا بسبب إن قوامهن مش رشيق.. سبب تاني إن الروسيات بيشتغلن من صغرهن، فبيتعبوا في الفلوس فبيشتروا لبس صح ومش كتير..
بالنسبة لاهتمام المصريين بالاكل فده ممكن يكون بسبب خيرها الكتير ما شاء الله بسبب خصوبة الارض بسبب النيل والشمس والبحار ال فيها، وبسبب إن الجو يسمح للخروج طول السنة..
عندنا في روسيا بيقولوا على اي مقابلة بين 2 لاول مرة “السلام في أولها بيكون باللبس، وفي اخرها بيكون بالعقل”.
عاوزه أقول إن اللبس مهم ومش كماليات للسيدات في كل مراحل عمرهن.. اللبس بيزود فرصتك في كل حاجة زي الدراسة والعمل والزواج.. وده ال انا بحاول انقله لكم من وطني الأول.. كليتي كان فيها مقابلة شخصية للتقديم، كنت لابسه فيها فستان اسود من تصميمي، بعد قبولي صاحبتي قالتلي بعد 3 سنين “لما شفتك اول يوم قلت مستحيل اكون صديقة لها في يوم من الايام من مستواها واناقتها” مع إن مستوايا نفس مستواها..
مرفقه صور من الجروب الخاص بها للبس بنوتة كان عندها مقابلة تقديم للعمل في شركة.. فلما حبيت أقيمه، سألتها على اسم ونشاط الشركة، عرفت انها شركة طيران، فجبت صورة لزي الشركة.. عجبني إنها لبست كاب زيهم على فورمال، لكن بلمستها مش تقليد للزي الرسمي.. Outfit صح يليق بالمنصب..
لو بتقدمي لمنصب معين إهتمي بشكل اظافرك والبسي لبس وحذاء وشيلي شنطة يليقوا بالمنصب، لو بتقدمي لمنصب مديرة إظهري بمظهر مديرة.. لما تكوني موظفة وطموحك المنصب الأعلى إظهري بمظهر يليق بالمنصب الأعلى.. لبس سن البلوغ غير لبس سن الزواج غير لبس العمل غير لبس بعد الزواج والأم، غير لبس الجدة..
البسي لبس يعبر عن كل مرحلة من عمرك صح..
بحبكم جدا. ❤
